Хантауым.
Туған елім, туған жерім Хантауым,
Бар байлығым қасиетім ардағым.
Мен өзіңе шын жүректен тербеліп,
Мен өзіңе осы өлеңді арнадым.
Батыр бабам жатқан жері Сұңқарым,
Сені мәңгі ұмытпайды ұрпағың.
Өтсе дағы қаншама мың жылдарым,
Жүрегіме мәңгі сақтап жырладым.
Көрдің бе сен қасиетті Теректіні,
Маңдайыңнан еседі жел екпіні.
Қайда жүрсем бұл жерді сағынатын,
Жүрегімде әр қашан бөлек тұрды.
Көрдің бе сен гүл жайнаған сайларымды,
Суы бар бал шырынды «Қызыл қайнарымды»
Шөлдеп келіп суынан дәм татқанда,
Қоңыр салқын жел еседі айдарымды.
Көрдің бе сен таулы қуыс Түгелбайды,
Тал,жапырақ жаныңда сыбырлайды.
Достарыммен бұл жерге талай келіп,
Ойнап жүріп тебіскен құлындайды.
Қымбат маған әр бір уыс құмың да,
Қымбат маған бір алақан суың да.
Таулы өлкем мен өзіңді сағынғанда,
Шабыттанып ән саламын шыңыңда.
Хантауым туған жерім - туған өлкем,
Сол тауға қарап тұрсаң неткен көркем.
Хантаудың таза ауасын, мөлдір суын,
Самал желін бәрін де жырлап өтем.
| 
